بتحدث الكاتب عن قوة قوة في عالم قيادة المنتجات وهي الأسئلة الذكية، مش الكاريزما أو البوربوينت أو التصريحات الكبيرة . بيشدد إن القادة الأقوى مش دايمًا اللي بيدوا أوامر، لكن اللي بيبدأوا بأسئلة زي:
“إحنا نفترض إيه هنا؟”
“إحنا بنقيس النجاح طويل المدى إزاي؟”
أولًا، في فترة التأقلم مع فريق جديد: القائد الجيد بيبدأ بفضوله وأسئلته مش بمحاولة يفرض حلول. زي:
“إيه أكبر تحدي بيواجه فريقك؟”
“لو ما فيش قيود، كنتو حتحسنوا إيه؟”
وده بيخلق احترام ويثبت مصداقية أسرع من الخبرة الزائدة.
ثانيًا، في التعامل مع فرق متعددة الاختصاصات: مش لازم تسحب الكلام من نطاقك. بل بالعكس، إسأل وإنصت بفهم.
“إيه أهم قيد تقني لازم ناخده في الاعتبار؟”
“إزاي الـ API ده ممكن يأثر على باقي السيستم؟”
الأسئلة المدروسة بتدي إحساس بالاحترام والنية في الفهم مش التفوق.
ثالثًا، في جلسات المراجعة (تصميم، تطور، المنتج): بدل ما تقول “ده مش عاجبني”، اسأل سؤال مركز.
“إزاي ده بيساعد مستخدم جديد ينجز المهمة أسرع؟”
“إيه الحاجة الوحيدة اللي عايزين المستخدم يلاحظها هنا؟”
ده بيحفّز التفكير بدل الدفاعية.
رابعًا، في مناقشات الاستراتيجية: حتى في المستوى العالي، الأسئلة بتفرق.
“إحنا بنبني على فرضيات إيه؟”
“إحنا بنقيس النجاح على المدى الطويل إزاي؟”
الهدف مش تبان ذكي، لكن تفكر صح مع بعض.
لكن مش كل سؤال ينفع في أي وقت. المقال بيشرح إن في أسئلة مش مناسبة في اللحظة الغلط:
لو الفريق عرض مبادرة جديدة، بدل ما تسأل:
خطأ: “إمتى هتخلصوا ده؟”
صح: “إحنا بنحل إيه فعلاً؟ وهنقيس النجاح إزاي؟”
لو في تأخير بسبب اعتماد على فريق تاني:
خطأ: “ممكن تتنسيقوا معاهم أحسن؟”
صح: “إيه اللي واقف عندكم؟ وإيه الخطر لو اتأخرنا؟ وإحنا بنأجل إيه عشان نقول آه؟”
في تقديم ملاحظات:
خطأ: “أنا كنت هعملها بطريقة تانية.”
صح: “إيه التنازلات اللي أخدتوها لما قررتوا تمشوا في الطريق ده؟”
وكمان، في طرق لا تسأل بيها:
ما تسألش وتجاوب على نفسك فورًا
مثال غلط: “ليه ما فضلناش نعمل الفيتشر ده؟ أفتكر بسبب ضغط على فريق التقنية…”
بدل كده: “ليه ما فضلناش نعمل الفيتشر ده؟ وإيه كانت التنازلات اللي افكرنا فيها آنذاك؟”
ما تجمعش عدة أسئلة في جملة طويلة:
غلط: “إيه insight المستخدم وازاي جات الفكرة وكنت هتعمل إيه لو عندك وقت أكتر؟”
صح: “ممكن أسأل واحد واحد؟ أول سؤال: إيه insight المستخدم ورا التغيير ده؟”
ما تتكلمش بشكل غامض:
غلط: “إيه الوضع مع الحاجة اللي اتكلمنا عنها الأسبوع اللي فات؟”
صح: “إيه آخر حالة للـ backend fix اللي اتكلمنا عنه في bug triage الأسبوع اللي فات؟”
الخلاصة البسيطة:
الأسئلة الذكية مش بس طريقة للفهم، دي طريقة لبناء ثقة، وضوح، وتعاون حقيقي بين الفرق والمستويات المختلفة في الشركة. الطريقة الصح للسؤال بتفرق في اللحظة الصح.
المقال الاصلي كامل هنا:
