خطة شركات التكنولوجيا الجديدة: قلل الموظفين ,وادفع للنجوم
شركات التكنولوجيا الكبيرة بدأت تركز على مكافأة النجوم من موظفيها وتقليل فرص وأجور الموظفين العاديين أو اللي آداءهم عادي.
شركات التكنولوجيا الكبرى بدأت تغير طريقها في التعامل مع الموظفين. بدل ما كانت بتصرف كتير على المزايا والتوظيف العشوائي، دلوقتي بقوا يركزوا على الكفاءات العالية و”تخفيف الحمولة” من الموظفين اللي مش بيأدوا كويس.
💸 مكافآت أعلى للنجوم
أمازون مثلاً بقت تدي أعلى من الحد الأقصى للرواتب (110%) للناس اللي بتقدم آداء ممتاز لمدة ٤ سنين متتالية. وده علشان يفرقوا ما بين اللي بيستمر في النجاح واللي بيحقق نتيجة كويسة مرة واحدة بس.
📉 عقوبات للآداء الضعيف
اللي جايب تقييم عالي لأول مرة، المرتب بتاعه ممكن يقل ويوصل لـ 70% من المدى المسموح، بدل ما كان 80% السنة اللي فاتت. يعني بقي فيه نوع من المكافأة للثبات والاستمرارية في الآداء العالي، مش بس النتيجة لمرة واحدة.
💼 تقليل في العروض والوظايف
الشركات كمان بدأت تقلل الرواتب المعروضة للناس اللي لسه هتنضم. مثلاً، أمازون خفضت عروض الرواتب للمهندسين المتوسطين من أكتر من 300 ألف دولار في 2022 لـ حوالي 270 ألف دولار، وبقى لازم موافقات خاصة لأي زيادة.
🧱 تسطيح الهيكل الوظيفي
فيه كمان تغيير في الهيكل الإداري، بحيث يقل عدد المديرين ويتزود عدد المهندسين. مايكروسوفت مثلاً فصلت حوالي 6000 موظف، ومعظمهم مش مهندسين، علشان تزود التركيز على الناس اللي بتنفذ الشغل التقني فعلاً.
✂️ تسريح سنوي لأضعف الموظفين
ميتا (فيسبوك) ناوية تعمل تقييم سنوي وتسرّح الـ 5% الأضعف من الموظفين كل سنة، تحت سياسة اسمها “الانفصال غير المؤسف” — يعني الناس اللي مش هيفتقدوهم.
الشركات دي بقت بتتبع سياسة أوضح: “كافئ اللي بيشتغل بجد، وما تضيعش موارد على الباقي.” وده فرق كبير عن أيام المكاتب الفخمة والمزايا الكتير.
📎 رابط المقال الأصلي: