المكونات الأربعة لعملك كسينيور فيما فوق
كل ما بتعلى في الكارير بتاعك، بتبدأ تدرك إن طبيعة مسؤولياتك بتتغير وتتطور. مزيج من 4 مهارات أساسية بيبدأ يشكل يومك وشغلك وقراراتك ومسارك المهني كله.
المهارات التقنية الأساسية (Core Tech Skills)
أي وظيفة بتحتاج مجموعة مهارات تأسيسية معينة. لو مهندس برمجيات، دي بتكون الكودينج والـ System Design. لو طباخ، بتكون الطبخ، ولو سواق، بتكون السواقة. المهارات التقنية الأساسية دي بتلمع كأهم مكون خصوصًا في بداية الكارير بتاعك، لإنها مفتاح الدخول للمجال.
إدارة المنتج (Product Management)
لأ، أنا هنا مش قصدي الاجتماعات الكتير اللي ملهاش لازمة واللي بنقضيها في مناقشة حاجات افتراضية وبنضيع وقت. قصدي هنا إدارة المنتج الحقيقية، اللي بتخليك دايمًا عينك على المشروع ورؤية واضحة لإيه اللي المفروض يتعمل وليه، وإيه الخطوة الجاية المفروض تكون فين وإزاي نوصلها بفاعلية.
إدارة المشاريع (Project Management)
ساعات بيبقى صعب نفرق بينها وبين النقطة اللي فاتت، ومبلومكش على فكرة. الهدف الأساسي للمهارة دي كلمة واحدة: "التسليم" (Delivery). إنك تشيل أي عقبات من الطريق عشان تضمن إن الشغل يخلص والـ Milestones الأساسية تتحقق.
إدارة وتطوير الأفراد (People Management and Skills)
بناء فريق ناجح مش بالسهولة اللي متخيلها بإنك تجمع موظفين تحت اسم واحد. كل ما بتوصل لمستوى أعلى في الكارير بتاعك، كل ما بتحتاج تفكر أكتر إزاي تخلي الفريق يشتغل بكفاءة وإزاي تساعدهم إنهم يتطوروا وينموا. ده بيشمل إنك تفهم احتياجاتهم، وتتواصل معاهم بفاعلية، وتساعدهم يحلوا مشاكلهم.
كل ما بتتقدم في الكارير، أهمية الأربع مكونات دول بتبقى أوضح وأوضح. التوقعات منك كـ Senior بتوسع أكتر، وبتطلب منك إنك تستخدم المهارات دي بمرونة بنسب مختلفة حسب الموقف. المرونة هنا هي المفتاح.
المقال الاصلي:
