ويب جايد: صفحة نتايج بحث منظمة بالذكاء الاصطناعي قيد التجربة من جوجل
جوجل بتطرح تجربة جديدة ضمن سيرش لابز اسمها ويب جايد، هدفها إنها تحسن طريقة عرض نتايج البحث بشكل جذري. الميزة دي بتعتمد على الـ AI عشان تنظم الـ search results page، وبالتالي تسهل على المستخدمين إنهم يلاقوا المعلومات والصفحات اللي محتاجينها.
ويب جايد بيقوم بعملية تجميع وتقسيم للـ web links بطريقة ذكية وسيمانتيكية، يعني بيجمع اللينكات اللي ليها علاقة ببعض تحت تصنيفات معينة مع إضافة سياق و insights لكل مجموعة. ده بيظهر في شكل هيدرز وملخصات قبل عرض لينك أو اتنين، مع إمكانية إنك تعمل لود لـ المزيد لو عايز تستكشف أكتر. الهدف الأساسي هو تحسين الـ ديسكڤرابيليتي للصفحات، خصوصاً اللي ممكن مكنتش توصلها بسهولة بالطرق التقليدية.
تكنولوجياً، ويب جايد بيستخدم نسخة مخصصة من موديل Gemini عشان يكون عنده فهم أعمق للـ search query وللمحتوى اللي موجود على الويب. وبيطبق Query fan-out وهي نفس التقنية اللي بيستخدمها الذكاء الاصطناعي – عن طريق إنه بيعمل multiple related searches بشكل متزامن عشان يقدر يحدد أنسب النتايج عن طريق استكشاف جوانب متعددة للسؤال بدل الاعتماد على الكلمات المفتاحية فقط.
الميزة دي مصممة خصيصاً للـ open-ended search اللي ممكن ميكونش ليها إجابة واحدة ومحددة، زي مثلاً "إزاي أسافر لوحدي في اليابان". وكمان فعالة جدًا للـ detailed query اللي بتكون في أكتر من جملة، زي ما اتكلمنا قبل كده عن "أفضل أدوات التواصل للعائلات اللي متوزعة على مناطق زمنية مختلفة". في الحالات دي، الـ grouping بيخليك تشوف specific aspects من سؤالك.
حالياً، ويب جايد متاح للـ opt-in users في سيرش لابز وتقدر توصلها من خلال التاب أو الفلتر بتاع الويب. ممكن في أي وقت ترجع للـ استاندارد نتايج البحث العادية. ولكن جوجل عندها خطة إنها تجرب تعرض النتايج المتنظمة بالذكاء الاصطناعي دي في التاب الرئيسية الكل وأجزاء تانية من جوجل سيرش مع الوقت، بناءً على الفيدباك اللي هتجمعه.
جدير بالذكر إن ويب جايد بيختلف عن الgenerative AI . ويب جايد بيركز على إعادة تنظيم وعرض صفحات الويب الموجودة أصلاً بشكل مجموعات، عشان يساعدك تستكشف جوانب مختلفة من الموضوع بدون ما يولد محتوى جديد. أما الgenerative AI فبيقدم محادثة وAI-generated response، يعني بيولد إجابات مباشرة ومفصلة وبيكسر الأسئلة المعقدة لأجزاء فرعية وممكن يعمل تلخيص أو اجوبة تفاعلية. ده بيوضح إن جوجل مستمرة في التحول بعيداً عن مجرد عرض "10 لينكات زرقاء" لتقديم تجربة بحث أكثر تفاعلية وذكاءً.
المصادر:
https://blog.google/products/search/web-guide-labs/
https://9to5google.com/2025/07/24/google-web-guide/?utm_source=tldrnewsletter