حوسبة : نشرة #٦
أهلا بيكم في الإصدار السادس من حوسبة! نشرة أسبوعية باللغة العربية.
إزاي تذاكر بانتظام مع شغل فول تايم؟
لو شغلك بياخد كل وقتك، بس عندك رغبة تتعلم حاجة جديدة أو تكمل دراستك، فأكيد بتسأل نفسك: “إزاي أذاكر بانتظام وأنا عندي شغل؟” في المقال ده، الكاتب بيشارك معانا طرق عملية وفعالة تساعدنا نذاكر بانتظام من غير ما نحس اننا مضغوطين أو مجهدين.
أكتر من مجرد آلات: عملاء الذكاء الاصطناعي- AI Agents
المقال بيتكلم عن التطور والقدرات بتاعة عملاء الذكاء الاصطناعي، وبيركز على قدرتهم على التعامل مع المواقف الغير متوقعة والشغل بشكل مستقل.
إزاي تتعامل كمدير منتج محشور في النص؟
مدير المنتج دايمًا بيكون في النص بين الفرق المختلفة، وده بيخليه في موقف صعب. لو بتواجه تحديات في إقناع الإدارة، حل مشاكل الفريق، أو تحقيق التوازن بين رغبات العملاء وأهداف الشركة، فمقال النهاردة هيكون مفيد ليك. الكاتب بيشرح فريم وورك L.A.D اللي بيساعدك تدير التحديات دي بذكاء.
إزاي بتضيّع ثقافة المسؤولية في فريقك بدون ما تحس؟
لو لقيت إن فريقك بيتأخر في تسليم المهام، الناس مش ملتزمة بمسؤولياتها، أو بيحصل سوء تفاهم كتير، فممكن تكون المشكلة في ثقافة المساءلة داخل الفريق. في المقال ده، الكاتب بيوضح الأخطاء الإدارية اللي بتخلي الموظفين يفقدوا الإحساس بالمسؤولية، وبيشارك طرق بسيطة لحل المشكلة.
إزاي تبني البراند الشخصي بتاعك كمبرمج وتبيع نفسك بذكاء؟
المنافسة في مجال البرمجة بقت قوية جدًا، ولو عاوز تلاقي فرص شغل أحسن أو تعرض مهاراتك بطريقة جذابة، لازم تبني براند شخصي قوي. في المقال ده، الكاتب بيشرح إزاي تسوّق لنفسك كمبرمج، سواء عن طريق السوشيال ميديا، المشاريع الشخصية، أو الكتابة التقنية.